iamsuperbianca

happy birthday to me.

salamat, salamat, salamat sa lahat ng bumati sa akin.. it really means a lot. salamat!!

grabe, 24 na ako.

nag-uusap kami ng kaibigan kong sina marion at justine, at sinasabi namin na dati, nung high school pa kami, at ang kuya ko ang 24, parang ang big deal! parang napaka-mature at sophisticated na nila pag nakikita namin sila. haha. pero bakit ngayon na kami na ang 24, parang walang maturity at sophistication na nagaganap?! hahaha!

eh wala, little girl ako eh. and i’d like to keep it that way! :p

ang cake. bow.

i've never received so much cake in my life. as in!! ang daming cake!! siguro aabot ng sampu. i'm so, so happy, and so, so thankful! pero parang, so, so impossible din na maubos ko lahat. haha! so pano na?

ang ganda ganda ng project ng local parish namin dito sa bf homes. its the resurrection of our lord's parish and their "hapag-asa" program! nagtitipon sila ng mga bata sa depressed areas, ages 3 to 5 and underweight, para pakainin araw-araw para patabain sila. nagbibigay ang caritas manila ng rice with vitamins mix, na hinahalo ng mga volunteers sa kung anuman ang pagkain para sa araw na iyon.

salamat sa mga nagbigay ng cake.. ang saya saya ng mga bata!! i've almost forgotten how much joy cake can bring to a child. :)



dahil napakabata pa ng mga batang pinapataba nila, bawat bata, sinasamahan ng kuya o ate nila para magbantay.. ang cute cute nung mga ate at kuya nila, dahil pati sila, super liliit pa lang din pero sobrang responsable na para sa mga bunso nila!! yung food allotment ay para sa mga mas maliliit na bata lang, kaya nakatambay lang ang mga ate at kuya.. so sa kanila ko binigay ang most-wanted part ng cake.. yung candy flowers! :p

kinunan ko sila ng picture kasama nung flower, at tinanong ko na din sila.. kung ikaw ang may birthday ngayon, ano ang birthday wish mo?

arly, 10 kung birthday daw niya, wish niya na makatapos siya ng pag-aaral.. gusto niya maging teacher paglaki niya.

robert, 11 sana daw dumating ang araw na magkasama-sama silang pamilya.. pina-ampon daw kasi ang isa sa apat niyang kapatid..

jerilyn, 12 gusto lang daw niya makatapos ng pag-aaral.. "ano ba gusto mo maging paglaki mo," tinanong ko.. ang sagot niya, "parang kayo po, para makatulong din sa iba.." (*oh my LoRd bless this child.)

maricar, 10 kung birthday daw niya, gusto lang niya, sana may handang pansit ang nanay niya..

mikee, 12 wish niya na makatapos siya ng pag-aaral, dahil gusto niya maging teacher paglaki.

sheenamae, 9 siya ang pinakamatagal bago sumagot, parang nahihiya siya.. lumapit ako sa kanya at sabi kong, "sige bulong mo na lang sa kin kung nahihiya ka sa ibang bata.." nag-isip pa siya ng konti, sabay sinabi niya, "wish ko lang, na sana walang mangyari sa pamilya ko.." si sheenamae pala, kakamatay lang ng tatay niya.. at wish niya, sana maging okay lang ang nanay at kapatid niya.. (*haaay.)

ronnel, 8 kung siya daw ang may birthday, gusto lang niya, cake.. at pagkatapos, binigay niya ang candy flower sa baby sister niya.. (*cry here.)

kayo, kung kayo ang may birthday sa araw na ito, anong wish ninyo?

ang mga "bigger kids" at kids at heart, may mga wish din..

ofel, 58 wish niya na sana magkaroon ng paraan na magkasama-sama silang pitong magkakapatid sa kinalakihan nilang lugar, san pablo, laguna.

virgie, 37 gusto lang niya na makapagtapos sa pag-aaral ang unico hijo niyang si gerald, dahil siya, di nakapagtapos.. sana daw matupad ni gerald ang lahat ng pangarap niya.

bianca, 24 secret na ang wish ko.. diba daw kasi pag birthday mo at sinabi mo ang wish mo sa iba, hindi na magkakatotoo? hehe. basta, yun na yun. :p

helpkidslearnproject@gmail.com

the help kids learn project is a little project i do every christmas. a bag, notebooks, pad papers, pens, crayons, reading books.. ang mga bagay na minsan binabale-wala lang natin sa paligid natin, can mean the world to a 10-year old kid. this year, naisip ko na why not aside from every christmas, every birthday ko din gawin ang personal project ko. praise GoD talaga. :)



welcome to c.p. tinga elementary school sa taguig, and meet the graduating students of batch 2007. a plastic envelope, pad paper, sketch pad, crayons, a notebook, a pen and pencil.. ang dami, dami, dami, dami, daming sumayang bata last monday. salamat, salamat, salamat kay dra. fernandez, ang kanilang principal, and the rest of the faculty members! salamat, salamat, salamat sa mommy ko at sa nanay virgie ko for helping me put everything together! salamat, salamat, salamat sa aking ate lani who helped me make all the arrangements, who gave an inspiring talk to the kids, and who helped make the project a smashing success. salamat, salamat, salamat sa lahat ng students, sobrang na-inspire ninyo ako, at salamat sa mga nagtanggal pa ng mga bracelet nila, pang-birthday gift daw sa akin.. hehehe. this is my biggest help kids learn project ever at talagang ang daming batang napasaya at natulungan!!

from the bottom of my heart, thank you and to GoD be the glory!